Vun Harten willkomen bi'n EWSK e.V. vun 1926
   
  EWSK-Kiel
  De Ellerbeker Kohns
 

 

Geschicht un Buu von de twee Ellerbeker Kohns

 „Ellerbek“ un „Wöllndörp“

   

 

   1976 to´n 50jährigen Vereinsjubiläum hett de erste Vörsitter Jochen Knuth un de tweete Vörsitter Detlef Hintz dat Kohnrodern wedder in´t Leben ropen. In de Johrn 1976 un 1977 hett  Leo Sailer twee Kohns bereit stellt un tein Stechpaddel anfertigt. Een von de beiden kööm von Fischer Kuddel Dunker ut Steen. De Verein hett emm utlehnt un för een Dag wör he swatt mit´n geelen Gang anmoolt. 

De Vörstand von EWSK hett an 11. Februar 1977 to Protokoll schreben (Schriftwart Hartwig Kaack) „De Vörstand hett beschloten, twee Kohns in Egenarbeit to buun.“ An 12. Februar 1977 sünd denn Vörstandsmitglieder un eenige Segelbröder to´n Altonaer Museum föhrt, üm door an een för Johrn gestifteten Original-Ellerbeker Kohn Moot to nehmen.

 In de Fröhjohrsversammlung 1977 gifft Detlef Hintz bekannt, dat twee Kohns buut warn süllt, denn datt Kohnrodern in de letzten beiden Johrn hett groten Anklang funn un dat sall nu ´n Stück Tradition warn. De Versammlung stimmt denn Buu to. Waldemar Stange wär von de Idee so begeistert datt he gliecks hunnert Mark stiften de. Un de Tokelmeister Markus Grothkopp stell ´n Deel von siene Werkstatt för denn Buu to Verfögung. De Segelmokers Karl-Heinz Schlauß un Ernst Schwarzlos wulln de bruunen Segel neihn. Spend worn is dat Segeldoog von een Herrn Peter Möller ut Kiel (een Fründ von Fieter Schulz). No dat Protokoll von de Vörstandssitzung an 12.2.1978 bericht de Tokelmeister över den Buu: „De Arbeit geiht good vöran. De Kohns sünd söss Meter lang, een Meter föftein breed un sümti Zentimeter hoch. De Planken ward in een grooten Dampketel weekkoogt un eenige Bree sünd de Buulüüd all üm de Ohrn flogen. Twölf Segelbröder sünd an Buu bedeeligt.“ An 27.Mai 1978 weer denn de Dööp von de beiden Kohns. Ünner an Strand, in de Eck von de Spundwand, hebbt Elsa Wöllndörp (domols 94 Johr old) un Magda Theede (domols 87 Johr old) de Kohns döfft. Jochen Knuth hett sick in siene Ree bi de Segelbröder bedankt, de an denn Buu bedeeligt weern un an de Statuten von EWSK erinnert, de Traditionen ut dat oole Ellerbek to pleegen. Dorto gehört nu ok dat Segeln un dat Rodern mit de Kohns.

Fröher sünd de Fruuns mit düsse Kohns von Ellerbek no Kiel to Markt föhrt, um de fangfrischen Fisch to verköpen. Hüüt rodert unsre Segelschwestern in ehre schmucken Fischertrachten to unsre Vereinsregatta

 

 In´t Johr 1976, to´n 50jährige  Jubiläum von EWSK,  find to´n ersten Mol dat Kohnrodern von de Segelschwestern in Tracht statt. Hier noch in een Kohn, denn uns ehem. 1.Vörsitter Leo Sailer to Verfögung stellt hett. As Besatzung seht ji von links Christa Hellmuth, Ulla Taube, Helga Harm, Gisela Hausmann und Lotti Knuth.

Teilnahme am Festumzug der Ellerbeker Buttgilde zur 333-Jahr-Feier. Der Kahn "Ellerbek" wurde mit Carlo Kruses Trecker und auf seinem Bootsauflieger gezogen.Die Besatzung vl:Helga Taube, Ellen Suchy,Martina Hosmann,Annetraut Köser und Tanja Fahrenkrug.

 

   

 As jedet Johr roderten denn de Männermannschaften üm de Schwentineglocke. Dat sünd unsre Frünn von de Ellerbeker Buttgill, von Schützenverein Gut Ziel, von Wassersportclub Ellerbek, von Wellingdorfer Turnverein, von Sportverein Ellerbek un von 1.Kieler Bootshafenverein. Dorto koomt denn noch twee Mannschaften von unsen Ellerbek-Wellingdor-fer Segelklub. Natürlich hebbt wi uns dat in´t Johr 2000 un to uns 75-Johr Jubiläum in 2001 nich nehmen loten, de Schwentineglocke to gewinnen un so hängt se nu bi uns in Mastenschuppen.


    
    


 

Aber ok to´n sailn ward de Kohns noch mannigmol benutzt. Weer man schön wenn dat noch öfters passeern wör, denn kunn so manch een Segelbroder de nur noch „Hightech-yacht“ kennt mol föhln, wi unsre Großvadders segelt hebbt. Fock back holn wenn dat över Stag geiht un mannigmol mehr dwars as vörwards. Jedet Johr to Kieler Wuch segelt ´n poor von uns mit beide Kohns to´n Hindenburgufer un denn amüseert wi uns dor denn Nömittag un manch een kümmt ganz schön glönich no  Huus.

    
   


 
  Heute 39 Besucher Copyright EWSK e.V.